خاطره &&& كلمات الشاعره اميره شقير

<3  تعرف يعنى ايه يكون حبيبك معاك طول الأوقات ؟ <3  

يعنى هو الماضى والحاضر والمستقبل والذكريات 

تعرف يعنى ايه تحس بضمته مهما بعدت المسافات ؟

يعنى هو نبض قلبك ودنيتك مهما مرت الساعات

تعرف يعنى ايه تكون عيونه وطنك وضحكتك والآهات ؟

يعنى هو ملك مشاعرك وانت ليه كل الحاجات وعطر النسمات

تعرف يعنى ايه تكون الدنيا فاضيه من حواليك لو غاب اوقات ؟

يعنى هو الروح ودوا الجروح وبحبك ليه تبوح من سكات

تعرف يعنى ايه ضحكة عينين ولمسة ايدين ونغم وسحر الحكايات ؟

يعنى هو اخدك من كل العالم وباس جبينك وانت توهت وبتعشقه للممات

&&

<3  تعرف يعنى ايه معنى الحب ؟؟؟ <3 

************************************** 

<3  يعنى رعشة قلب من غير حبيبك لا تهدى ولا تنام  <3  

<3  يعنى كل شىء جميل بيكون وقت الحرب حمام سلام  <3  

<3  يعنى نبض ونظرة عين تشوف حبيب بين البشر هو الغرام  <3  

<3  يعنى حضن بيلمسك ويخطفك من الجميع ولازم تطيع بدون كلام <3   

<3  هو حب برىء جرىء صادق عمره ما يتمحى بيدوم مهما مرت الأيام <3   

#اميره شقير

Posted in: خاطره