احترت فيك && بقلم / وليد الاهلاوي

احترت فيك

كل ما نقرب لبعض

بشوفك عصفور حيران

بيغني اناشيد الحب

لكن على وتر الاحزان

ارسيلك على بر وقولي

وكفايه بعد الخلان

رسيني ع الدور صدقني

مش عايزك ترجع ندمان

خليك فاكر اني بقولك

م الدنيا هتطلع خسران

لو بتحب الدنيا بجد

اتجنن واملاها جنان

صدقني دنيتنا سفينه

لازم تبقا انت القبطان

عشنا في قريه او في مدينه

حبيتك والهوى سلطان

محتاجلك تتمسك بيا

دا انا والله لحبك عطشان

Posted in: شعر غنائي